I akuzuari është shpallur fajtor dhe është dënuar me dënim me burg në kohëzgjatje prej tetëmbëdhjetë (18) muaj për veprën penale Sulmi ndaj personit zyrtar e kryer në bashkëkryerje, në të cilin dënim llogaritet edhe koha e kaluar në masën e paraburgimit, nga data 24.07.2024, ndërsa për veprën penale Pjesëmarrja në turmë që kryen vepër penale dhe huliganizmi e kryer në bashkëkryerje i është shqiptuar dënim me burg, në kohëzgjatje prej gjashtë (6) muajsh.

Në bazë të nenit 44 paragrafi 1 të KPRK-së, me pëlqimin e të akuzuarit D.D, dënimi me burg prej 6 gjashtë muaj t’i zëvendësohet në dënim me gjobë në shumë prej 15,000.00 €, të cilin dënim do ta paguaj në afat prej 15 ditësh, por jo më gjatë se tre muaj, pas plotfuqishmërisë së këtij aktgjykimi.

Të akuzuarit  D.D, i vazhdohet masa e paraburgimit, derisa aktgjykimi të merr formë të prerë, por jo më shumë se koha e dënimit të shqiptuar në aktgjykim.

Obligohet i akuzuari që ti paguaj të gjitha shpenzimet e procedurës, në emër të paushallit gjyqësorë të paguaj shumën prej dyqind (200) €, ndërsa shumën prej njëqind (100) € për Fondin për Kompensimin të Viktimave të Krimit.

Palët e pakënaqura kanë të drejt ankese në Gjykatën e Apelit të Kosovës, përmes Gjykatës Themelore në Prishtinë.