Prishtinë, 05 qershor 2018 – Gjykata Themelore në Prishtinë – Departamenti për Krime të Rënda ka shpallur publikisht Aktgjykimin PKR.nr.369/17 kundër të akuzuarit L.I.
I akuzuari L.I është shpallur fajtor dhe është dënuar me dënim unik me burgim në kohëzgjatje prej 20 (njëzet) vitesh për veprën penale Vrasje e rëndë nga neni 179 paragrafi 1 nën paragrafi 11 i Kodit Penal të Republikës së Kosovës dhe Mbajtja në pronësi, kontroll, ose posedim të pa autorizuar të armëve nga neni 374 paragrafi 1 të Kodit Penal të Republikës së Kosovës.
Gjykata ka konstatuar se i akuzuari L.I me dt.29.08.2016, rreth orës 11:40 min. në Prishtinë, afër parkut të qytetit, në rrugën “Hamëz Jashari”, pas një mosmarrëveshje rreth një borxhi të mëhershëm ka privuar nga jeta të rinjtë E.A dhe A.G.
Palët e dëmtuara për realizimin e kërkesës pasurore juridike udhëzohen në kontest civil.
Palët kanë të drejtë ankese në Gjykatën e Apelit të Kosovës.