Murat Paçarada

Murat Paçarada është gjyqtar në Gjykatën Themelore në Prishtinë - Departamenti për Çështje Ekonomike. Gjyqtari Paçarada ka diplomuar në Fakultetin Juridik, Universiteti i Prishtinës në vitin 1984. Provimin e jurisprudencës e përfundoi në vitin 2006. Nga viti 1978 deri në vitin 1981 ka punuar si gazetar në gazetën studentore \"Bota Sot\" ndërsa nga viti 1986 deri në vitin 1990 ka ushtruar detyrën e gjyqtarit porot në Gjykatën Komunale në Prishtinë. Poashtu nga viti 1985 deri në vitin 1990 ka ushtruar deyrën e drejtorit për punë të përgjithshme dhe juridike në NSH \"Univerzal\" në Prishtinë ,ndërsa nga viti 1999 deri 2004 ka ushtruar detyrën e drejtorit gjeneral në NSH\"Univerzal\" në Prishtinë .Në Gjykatën Ekonomike në Prishtinë ka qenë administrator i Gjykatës nga viti 2004 deri në vitin 2010 .Nga viti 2010 deri në shtator të vitit 2015 ka qenë gjyqtarë në Gjykatën për Kundërvajtje në Prishtinë ,ndërsa nga 1 shtatori 2015 ushtron detyrën e gjyqtarit në Gjykatën Themelore në Prishtinë - Divizioni për Çështje Ekonomike. Është bashkëautor i doracakut për menaxhimin e Gjykatave; Është bashkëautor i Ligjit mbi Duhanin; Është bashkëautor i Ligjit mbi Kundërvajtje i aprovuar në vitin 2016; Ka qenë kryetar i Komisionit teknik për transformimin e Gjykatave; Ka kryer trajnimin gjashtëmujor në fushën e menaxhimit të resurseve njerëzore dhe ka marr titullin Trajner i Trajnerëve në këtë fushë.